" جيوش الحب " بقلمي

آخر الليل ابتدى وقت الغرام
كن جيش الحب اعلن للهجوم

هددتني وابتدت بالأقتحام
واقبلت ترمي بحمران السهوم

قلت يا جيشي تحرك للأمام
وانتبه تقسى على ذيك الخصوم

اصتدمت بها ويا محلا الصدام
واشتبكنا لين لامسنا الخشوم

صرت ذايب وسط ذاك الالتحام
صرت فيها راحل بليا قدوم

صارت الاشواق فينا ما تنام
والمشاعر تصرخ بصدراً كتوم

والمعاني ما لقت درب الكلام
والقصايد في سمى شعري تحوم

دنيتي ضوت وهي كانت ضلام
وانتهت من دنيتي كل الهموم

ربي لا يحرم محبتنا الؤام
ربي يجعل حبها فيني يدوم

هي حياتي وكل عشقي والمرام
ومن هو غيري يعشق النجم ويروم

لجلها يرخص شموخي والمقام
وينحني عشقي لها في كل يوم

لجلها ما عاد للدنيا اهتمام
والقمر ما عاد لوجوده لزوم

ماعاد تفتني حسينات اللثام
ولا تلين ناظري ذيك النجوم

هي كفاياتي وهي مسك الختام
هي بداية حب اعلن للهجوم

هي الوحيده اللي اراها بالمنام
حتى صرت اتمنى ارقد ما اقوم.