كونو صادقين فليس في اعمارنا اوقات للتوضيح لا تقعد تبرر وتمشي وتبرر حق هذاك... اللي عطاك خمسة دينار عطه خمسة.. انزين صير كريم وعطه خمسة ونص وستة.. ما يصير تعطيه مليون؟ يحز بالخاطر لما تكون زعلان وكل شوي اطالع التلفون والواتس اب وتشوف اللي مزعلك متى كان اونلاين.. لا تتبوسم... فلان بيني وبينه عشرة عمر.. فلانة ما تقدر تعيش بدوني... عشر دقايق وساعة 'وووو...ههه ما ياك شي صح؟ لهدرجة واثق؟ ما فكر يراضيك! انكسرت؟ هارد لك يا جماعة لما ايي اراضيكم.. لانه قدركم عالي.. لاني صدق حطيتكم في ذاك المكان الغالي... لانه انا عطيتكم ثقتي وحبي واحترامي.. اهل اصدقاء ... لانه انتو اللي تركتو بصمة حلوة في حياتي مو معناتها لو راضيتكم ان انا... انا.. ما عندي كرامة.. ولا طيب وساذج زيادة عن اللزوم اللي يقول لك صعب اسامح.. قول له عيل انته انسان ضعيف وفاشل.. خلك قوي وقطها في ويهه القوة في انك تسامح.. القوة في انك ادوس على قلبك وتراضي اللي قبالك... بس ها لا توصلها لمرحلة الاستغلال... اخي ما اشوف فيه شي غلط لو تروح الكونتاكت وتتصل.. او تكتب واتس اب لو مستحي تتكلم.. لو انك ترسل مقطع من اغنية هلا باللي يراضيني.. وردة.. واحد واسطة انزين... حسسني انك تهتم .. مو انا والطوفة واحد.. وان عادي اعيش بدونه..او مرده بيرضى تره ميانه.. رضى مرة ما راح يرضى ست وسبع وعشر دمعة بعيني حايرة ما ادري شسوي فيها...غصة بقلبي تحاول تتكلم ومانه عارف اطلعها.. تدري لما تراضي شيصير؟ لما تمسك على ايد اللي تعزه وتحبه بشكل كبير... فكر فيها شوي زعلك ما يهون .. يا اختي .. يا اخوي .. يا ابوي .. يا امي.. يا رفيجي.. يا رفيجتي.. يا الهندي اللي تغسل سيارتي... وقفتو معاي.. ساعدتوني.. لو شاركتوني بقوطية تونة... ما يهون علي اشوف الدنيا بعيونك مغمضة وبراضيك.. لو زعلت اني طلعت وما قلت لك.. لو تعشيت وما طلبت لك بعد براضيك.. لو يكون السبب تافه مثل اشق بنطلونك اليديد... ما يهون علي اشوفك زعلان.. حزتها تبني مكانة لك بين عيوني وقلبي.. وحتى صوتي ينغمج... من فرحتي اذا زعلت تراضيني؟
