"كاس المفارق" بقلم اسامة العبدلي (عدت بقلبي الطيب)

حـــــرام يلــــي غبـــــت عني وقفيــت
وتركت هــــذا القــلب يلحـــــق ظيـاعة

حـــــرام تطعــــنـــي وانـا فيك مخطيت
وجـرحت قلبــــــي بكل قسوة وبشاعة

البـــــارحة يـــا خـــــل عــالبــــل مريت
والدمـــع عالخـــــدين ارخـــــى شراعة

وشـــــربت من كــاس المفارق وعانيت
حتــى الزمـــــن ضــاق بعيوني اتساعة

مسكــــت اقـــــلام المــــواجع وخطيت
وزرعت حزني فـــــي حــــــروفي زراعة

حفظــــت مــــن بعدك عبــارة " وياليت "
يا ليت يرجـــــع مــــن فقـــدنا سماعة

ماني محصــــل شــــي لو قــد تمنيت
ولــو نسيــتك مـــا هـي مني شجاعة

أفنيت عمــــري فــــي غرامك وضحيت
وصنعت لك ذيــك السعـــــــادة صناعة

صنــتك ولا خنـــــتك وأكفــــيت ووفيت
بقــــدر ما املك مـــن الأستـــــــطاعة

وإن جيت تطلـــــبني انــــا قـــول لبيت
ورمـــــوش عيــــــنك لــو تأشر مطاعة

والله ما بنـــــسى لــــــو اني تناسيت
انســــاك ساعـــــة واذكرك كل ساعة

واليــــوم زاد الشــــــوق فيني وونيت
صارعــــت شوقي بس غلبني صراعة

أمنتك الله قــول انــــــا ويــش سويت ؟
وش سوى فيك القلــــب تلوي ذراعة ؟

أمنتك الله لــــو بصـــــدق انـت حبيت
راعــــي الالم فـــي الصدر ياخل راعة

وانــــــا علي الصبر إن غبت وإن جيت
والصبــر فــي قلـب الوفي من طباعة

أرجـع ترانــــي فـــي دموعي تغطيت
والنوم أعلـــن عـــــن عيوني انقطاعة

ميت انــا فـــــي غيبتك لا مـــا حييت
كن الحيـاة لا غبــــت تصبـــح اشاعة

واليــــوم لــــــو موتي اجاني وانتهيت
حي الله هـذا المــــــوت حي اندفاعة .

وسلامتكـــم ...

آآآآآآآآآآآآآآآآه يا اسامه

ذريت الملح ع الجرح

ربي لا يحرمنا من كتاباتك

استمررررر

ياهوو مو معقول انا ما سويت شي والله
امين يارب وايك يلغلا

وربي اشعاااااااااااااااااارك راااااااائعه

ماشااء الله علييييييييك

كعادتك مبدع في طرح مواضيعك واشعارك القمييلةة
ودي لك

انتي اروع اختي تبارك الله شو اخاف تجيني عين ههههههههههـ يسلمو يلغلا على مرورك وكلامك الاروع

أحــ♥ــبڪ و حدڪ كتب:: ياهوو مو معقول انا ما سويت شي والله
امين يارب وايك يلغلا

ههههههههههه لا ماعملت شئ

آمين

الحمدلله اخاف تتهميني في شي